शिलापूरमध्ये विनयभंग व जीवे मारण्याचा प्रयत्न — दोन वर्षांनंतर न्यायालयाच्या आदेशाने गुन्हा नोंद
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
आडगाव पोलिस ठाण्यात गुन्हा दाखल; पोलिस तपास सुरु
Woman molestation case Nashik — शिलापूर शिवारात घडलेल्या धक्कादायक प्रकारात एका महिलेचा विनयभंग करत तिच्यावर ट्रॅक्टर घालून जीवे मारण्याचा प्रयत्न करण्यात आला. या गंभीर प्रकरणी तब्बल दोन वर्षांनंतर आडगाव पोलिस ठाण्यात पाच जणांविरोधात गुन्हा दाखल करण्यात आला आहे.
संशयितांची नावे जाहीर (Woman molestation case Nashik)
या प्रकरणात गुन्हा दाखल करण्यात आलेले संशयित पुढीलप्रमाणे आहेत:
- वसंत कोंडाजी कहांडळ (५०)
- प्रकाश जगन्नाथ कहांडळ (४६)
- भानुदास जगन्नाथ कहांडळ (५२)
- भास्कर जगन्नाथ कहांडळ (४४)
- विश्राम कोंडाजी कहांडळ (४५)
सर्व संशयित शिलापूर (ता. नाशिक) येथील रहिवासी आहेत.
घटनेचा तपशील (Woman molestation case Nashik)
पीडितेच्या तक्रारीनुसार, २९ मे २०२३ रोजी पाचही संशयितांनी संगनमत करून तिला शिवीगाळ केली. यानंतर प्रकाश कहांडळ याने पीडितेचा मानसिक छळ करत विवस्त्र करून धिंड काढण्याची धमकी दिली. त्याचवेळी ट्रॅक्टरने तिच्या अंगावर जाण्याचा प्रयत्न करून तिला जीवे मारण्याचा प्रयत्न करण्यात आला.
न्यायालयाच्या आदेशामुळे गुन्हा नोंद
सुरुवातीला पीडितेने आडगाव पोलिस ठाण्यात तक्रार दाखल केली होती, परंतु पुढील कारवाई झाली नाही. त्यामुळे पीडित महिलेने न्यायालयात धाव घेतली, आणि न्यायालयाच्या आदेशावरून अखेर गुन्हा नोंदवण्यात आला.
पोलिस तपास सुरू
सदर घटनेनंतर आडगाव पोलिस ठाण्यात गुन्हा दाखल करण्यात आला आहे, आणि पोलिसांनी सखोल तपास सुरू केला आहे. या प्रकरणातील पुढील तपशील लवकरच समोर येण्याची शक्यता आहे.
