Kumbhar community नाशिक औष्णिक विद्युत केंद्रातील राख वीटभट्टीधारकांना मिळणार?
नाशिक | प्रतिनिधी
नाशिक जिल्हाधिकारी कार्यालयात नुकतीच कुंभार समाजाच्या (Kumbhar community) वीटभट्टीधारकांची बैठक पार पडली. बैठकीत नाशिक औष्णिक विद्युत केंद्रातून निघणारी पॉन्ड अॅश (राख) वीट तयार करण्यासाठी उपलब्ध करून देण्याचा मुद्दा चर्चिला गेला. गौण खनिज विभागाचे प्रभारी अधिकारी अनिल निकम यांनी कुंभार समाजाला राख मिळवून देण्यासाठी प्रयत्न करण्यात येतील, असे आश्वासन दिले.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
रॉयल्टी भरण्यासाठ तहसीलदारांना सूचना
बैठकीत कुंभार समाजाच्या(Kumbhar community) वीटभट्टीधारकांनी विविध मागण्या मांडल्या. त्यात तहसील कार्यालयांमार्फत रॉयल्टी तत्काळ भरण्यासाठी सोयीसुविधा उपलब्ध करून देण्याच्या सूचना तहसीलदारांना देण्यात येणार आहेत.
वीटभट्टीधारकांच्या प्रमुख मागण्या
1️⃣ वीटभट्टींच्या पंचनाम्यावर बंदी व नवीन गट समाविष्ट करावेत
- जुने गट बरखास्त करून नवीन गट समाविष्ट करण्याची मागणी
- वीटभट्टींचा पंचनामा करून दंडात्मक कारवाई थांबवावी
2️⃣ रॉयल्टी प्रक्रियेत सुधारणा
- सर्व तहसील कार्यालयांमार्फत डिजिटल ओळखपत्र तयार करणे
- रॉयल्टी भरण्यासाठी एक खिडकी योजना सुरू करणे
- तहसीलदारांनी बोगस ओळखपत्र तपासण्याची जबाबदारी स्वीकारणे
3️⃣ दलालांचे रॅकेट बंद करून पारदर्शकता आणावी
- रॉयल्टी प्रक्रियेत दलालांचा हस्तक्षेप थांबवावा
- कुंभार समाजातील व्यक्तींना तहसील कार्यालयात रॉयल्टी प्रक्रिया करण्यासाठी आरक्षित करावे
कुंभार समाजाला २५ वर्षांपासून राख मिसळून वीट निर्मितीचा अनुभव
कुंभार समाज हा पारंपरिक वीट व्यावसायिक असल्याने, शासनाने ४०% औष्णिक विद्युत केंद्रातील राख मातीत मिसळून वीट तयार करण्याचा नियम लागू केला. मात्र, २०२१ पासून नाशिक औष्णिक विद्युत केंद्रातून निघणारी पॉन्ड अॅश कुंभार समाजाला मिळत नाही, असा आरोप करण्यात आला.
गौण खनिज विभागाने याबाबत सकारात्मक पावले उचलण्याचे आश्वासन दिले असून, या मागण्यांच्या पूर्ततेसाठी लवकरच निर्णय होण्याची अपेक्षा आहे.
