NMC : महापालिकेची क्रीडा शिष्यवृत्ती योजना: खेळाडूंसाठी आर्थिक पाठबळ”

नाशिक :शहरातील क्रीडाक्षेत्राला चालना देण्यासाठी नाशिक महापालिकेने NMC क्रीडा शिष्यवृत्ती योजना सुरू केली आहे. आंतरराष्ट्रीय, राष्ट्रीय आणि राज्य पातळीवरील विविध स्पर्धांमध्ये उत्कृष्ट कामगिरी करणाऱ्या खेळाडूंना आर्थिक मदतीच्या स्वरूपात शिष्यवृत्ती दिली जाते. यामुळे खेळाडूंना त्यांच्या कौशल्याला वाव देण्यासाठी आणि भविष्यात मोठ्या स्पर्धांसाठी तयार होण्यासाठी प्रोत्साहन मिळते.

महापालिकेच्या NMC अंदाजपत्रकातून दरवर्षी पाच टक्के निधी क्रीडाविषयक कामांसाठी राखीव ठेवण्यात येतो. याअंतर्गत महापालिका हद्दीतील खेळाडूंसाठी विशेष योजना आखण्यात आली आहे. २०२४-२५ या आर्थिक वर्षासाठी ५० खेळाडूंची निवड करण्यात आली आहे. निवडलेले खेळाडू आंतरराष्ट्रीय, राष्ट्रीय व राज्य पातळीवरील विविध क्रीडा स्पर्धांमध्ये सहभागी झालेले आणि त्यात उल्लेखनीय कामगिरी करणारे आहेत.

लोकसभा निवडणुकीसह विधान परिषद आणि विधानसभा निवडणुकीच्या आदर्श आचारसंहितेमुळे योजनेच्या अंमलबजावणीत काहीसा विलंब झाला होता. मात्र, आता प्रस्ताव मंजुरीसाठी आयुक्त डॉ. अशोक करंजकर यांच्या हस्ते अंतिम मंजुरी दिल्यानंतर खेळाडूंना शिष्यवृत्ती वितरित केली जाणार आहे.

NMC: अटी व शर्ती

महापालिकेच्या NMC क्रीडा शिष्यवृत्ती योजनेसाठी खेळाडूंना खालील अटी पूर्ण करणे आवश्यक आहे:

खेळ भारतीय ऑलिम्पिक किंवा पॅराऑलिम्पिक संघटनेने मान्यता दिलेला असावा. खेळाडूची नोंदणी क्रीडा व युवक सेवा संचालनालयाकडे असणे बंधनकारक आहे.अर्ज फक्त महापालिका कार्यक्षेत्रातील खेळाडूंसाठीच स्वीकारला जाईल.
वर्षभरात एकाच स्पर्धेसाठी शिष्यवृत्ती अर्ज करता येईल.अर्ज स्पर्धेतील विजयानंतर एका वर्षाच्या आत सादर करणे बंधनकारक आहे.

या योजनेसाठी महापालिकेने एक कोटी रुपयांचा निधी राखीव ठेवला आहे. खेळाडूंच्या कामगिरीनुसार त्यांना खालीलप्रमाणे शिष्यवृत्ती दिली जाणार आहे: आंतरराष्ट्रीय स्पर्धा:प्रथम क्रमांक – 2 लाख,द्वितीय क्रमांक ,1.5 लाख
तृतीय क्रमांक ,1 लाख,राष्ट्रीय स्पर्धा:
प्रथम क्रमांक 50,000,द्वितीय क्रमांक, 30,000,तृतीय क्रमांक ,25,000

या योजनेमुळे नाशिकमधील युवा खेळाडूंना आंतरराष्ट्रीय व राष्ट्रीय स्तरावर नावलौकिक मिळवण्यासाठी प्रोत्साहन मिळते. आर्थिक पाठबळामुळे खेळाडूंना त्यांचा सराव व इतर खर्च भागवणे सोपे होते. तसेच, ही योजना महापालिकेच्या NMC क्रीडा विकासाच्या बांधिलकीचे प्रतीक आहे.खेळाडू आणि क्रीडा संघटनांनी वारंवार या शिष्यवृत्तीच्या रकमेच्या वाढीची मागणी केली होती. महापालिकेने ती मागणी मान्य करत रक्कम दुप्पट केली आहे. परिणामी, अधिकाधिक खेळाडूंना या योजनेचा लाभ मिळू शकतो.

आंतरराष्ट्रीय, राष्ट्रीय आणि राज्य पातळीवरील विविध स्पर्धांमध्ये कामगिरी करणाऱ्या ५३ खेळाडूंचे प्रस्ताव सादर करण्यात आले होते. समाज कल्याण विभागाच्या तपासणीनंतर त्यापैकी ५० प्रस्तावांना मंजुरी देण्यात आली. यामधील अंतिम मंजुरी महापालिका आयुक्तांच्या कडून मिळाल्यानंतर शिष्यवृत्तीची रक्कम वितरित केली जाईल.

नाशिक महापालिका NMC केवळ रस्ते, पाणीपुरवठा किंवा स्वच्छता पुरवण्यापुरती मर्यादित नसून क्रीडाक्षेत्राच्या विकासासाठीही सक्रिय आहे. या शिष्यवृत्ती योजनेद्वारे महापालिकेने स्थानिक खेळाडूंना आंतरराष्ट्रीय पातळीवर पोहोचवण्यासाठी महत्त्वाची पावले उचलली आहेत.

नाशिक महापालिकेची क्रीडा शिष्यवृत्ती योजना ही नाशिकच्या खेळाडूंसाठी सुवर्णसंधी आहे. या योजनेद्वारे शहरातील खेळाडूंना जागतिक स्तरावर नावलौकिक मिळवण्यास मदत होईल. या उपक्रमामुळे नाशिक शहराचे नाव क्रीडाक्षेत्रात उंचावेल, हे निश्चित आहे.

हे Nashik NMC : फटाके स्टॉल विक्रीतून मनपाला लाखोंचा महसूलपण वाचा