Nashik Crime | लासलगावमध्ये 75 वर्षीय वृद्धेला फसवून जबरी चोरी; एक महिला अटकेत, दुसरी फरार

Senior Citizen Robbery | महिलांच्या टोळीचा नाशिक परिसरात उघड झालेला गुन्हा

लासलगाव (नाशिक) Nashik Crime : नाशिकच्या लासलगाव परिसरात एका 75 वर्षीय वृद्ध महिलेला (Senior Citizen) फसवून तिच्या गळ्यातील सोन्याचे दागिने जबरदस्तीने हिसकावून पळ काढणाऱ्या दोन बहिणींपैकी एकीला पोलिसांनी अटक केली आहे. नागरिकांच्या सतर्कतेमुळे Nashik Crime विभागाने वेळीच कारवाई करत मोठा अनर्थ टळवला.

‘केळी खा’ म्हणत बोलण्यात गुंतवले आणि केली चोरी

ही घटना सोमवारी (दि. ५ ऑगस्ट) दुपारी २.३० वाजेच्या सुमारास सुकेणकर चाळ, बाजारतळ, लासलगाव येथे घडली. घरात एकट्या असलेल्या इंदुमती दत्तात्रय काळे (वय ७५) यांच्याकडे दोन अनोळखी महिला आल्या. एकीने त्यांना केळी देत ‘खा खा’ म्हणत बोलण्यात गुंतवले, तर दुसरी महिला घराबाहेर नजर ठेवून होती.

त्यानंतर घरात घुसलेल्या महिलांपैकी एकीने इंदुबाईंशी झटापट करत त्यांच्या गळ्यातील सुमारे ३ ग्रॅम वजनाची, २८ हजार रुपये किमतीची सोन्याची पोत (Gold Chain) हिसकावून दोघींनी पळ काढला.

जागरूक नागरिकामुळे तत्काळ पोलिस कारवाई

इंदुबाईंच्या आरडाओरडीनंतर शेजारील रहिवासी उमेश पारीख यांनी तातडीने सहायक पोलिस निरीक्षक भास्करराव शिंदे यांना माहिती दिली. त्यांच्या मार्गदर्शनाखाली पोलिसांनी तपास सुरू करून काही तासांत छाया आकाश कुन्हाडे (रा. सुमतीनगर, लासलगाव) या संशयित महिलेला अटक केली.

प्राथमिक चौकशीत समोर आले की, तिची सख्खी बहीण पूजा प्रविण कुन्हाडे ही फरार असून चोरीत तीही सहभागी होती.

गुन्हा नोंद, फरार आरोपीचा शोध सुरू (Nashik Crime)

या प्रकरणी इंदुबाईंचा मुलगा राजेंद्र काळे (रा. भाऊसाहेवनगर) यांच्या तक्रारीवरून दोघींविरुद्ध लासलगाव पोलिस ठाण्यात गुन्हा दाखल करण्यात आला आहे. पोलिसांनी फरार असलेल्या पूजा कुन्हाडेचा शोध सुरू केला आहे.