नाशिक: Nashik Metro Update नाशिककरांसाठी दिलासादायक बातमी! आगामी ऑक्टोबर किंवा नोव्हेंबरमध्ये होणाऱ्या महानगरपालिका निवडणुकीपूर्वी नाशिक शहरासाठी नवा मेट्रो प्रकल्प अधिकृतपणे जाहीर होण्याची शक्यता आहे. निओ मेट्रो (Neo Metro) ची सुधारित आवृत्ती किंवा लाईट रेल मेट्रो (Light Rail Metro) ही दोन प्रमुख वाहतूक पर्यायांपैकी एकावर अंतिम निर्णय जुलै अखेरपर्यंत अपेक्षित आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
Nashik Metro Update – शहरी वाहतुकीत नवा अध्याय:
केंद्र सरकारच्या नव्या निर्देशांनंतर महा मेट्रोने नाशिकमधील मेट्रो प्रकल्पाच्या दृष्टीकोनात बदल केला आहे. आता शहराच्या गरजेनुसार दोन अत्याधुनिक पर्यायांचा विचार केला जात आहे:
- सुधारित निओ मेट्रो प्रणाली – या योजनेत टायर-आधारित, एअर कंडिशनड आर्टिक्युलेटेड कोचचा समावेश आहे. एक कोच सुमारे २५० प्रवासी वाहून नेऊ शकतो. अशा प्रकारचे कोच युरोप व अबू धाबीसारख्या देशांत यशस्वीरित्या चालवले जात आहेत.
- लाईट रेल मेट्रो – ही अत्याधुनिक प्रणाली तैवानमध्ये वापरात आहे आणि ती कमी खर्चात अधिक प्रवासी सुविधा उपलब्ध करून देणारी मानली जाते.
महा मेट्रोकडून अभ्यासपूर्ण तयारी:
महा मेट्रोच्या वरिष्ठ अधिकाऱ्यांनी सांगितले की, अबू धाबी, तैवान आणि विविध युरोपीय शहरे येथे चालणाऱ्या मेट्रो प्रकल्पांचा सखोल अभ्यास केल्यानंतरच हे दोन पर्याय पुढे आले आहेत.
शहराच्या विकासात वेग:
गेल्या सहा-सात वर्षांत नाशिकच्या वाहतुकीच्या पद्धतीत लक्षणीय बदल झाला आहे. विशेषतः नाशिक विमानतळ सुरू झाल्यानंतर, शहराचा गतिशीलतेकडे पाहण्याचा दृष्टिकोनच बदलला आहे.
