नाशिक (संस्कृत महोत्सव 2025) – “संस्कृत ही फक्त प्राचीन भाषा नसून ती देवभाषा आहे. जन्मापासून मृत्यूपर्यंत संस्कृत आपल्यासोबत असते. त्यामुळे ही भाषा सर्वांनी अंगीकार करणे आवश्यक आहे,” असे मार्गदर्शन महामंडलेश्वर सविदानंद सरस्वती यांनी नाशिक येथे आयोजित ‘उत्कर्ष महोत्सव 2025’ अंतर्गत भरवण्यात आलेल्या संत संमेलनात केले.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
उत्कर्ष महोत्सव 2025 – संत संमेलन ठळक बाबी:
आयोजक संस्था:
केंद्रीय संस्कृत विद्यापीठ
लालबहादूर शास्त्री संस्कृत विद्यापीठ
राष्ट्रीय संस्कृत विद्यापीठ
ठिकाण: गुरुदक्षिणा हॉल, नाशिक
अध्यक्षस्थानी: आनंद आखाड्याचे प्रमुख शंकरानंद सरस्वती
उपस्थित मान्यवर संत व गुरूजन:
- महामंडलेश्वर सविदानंद सरस्वती (कैलास मठ)
- भक्तिचरणदास महाराज (पंचमुखी हनुमान मंदिर)
- श्री श्री दिव्यनयनदास महाराज (ABPS स्वामीनारायण मंदिर)
- रामकृष्ण महाराज लहवितकर (वारकरी संप्रदाय)
- देवबाप्पा फरशीवाले
- दिनेश महाराज रसाळ (प्रसिद्ध कीर्तनकार)
- तुळशीराम गुट्टे महाराज
- कुलगुरू हरेराम त्रिपाठी व सुकांतकुमार सेनापती
संतांचे विचार आणि संस्कृतचा महिमा:
सविदानंद सरस्वती:
“नाशिकमध्ये रामाचे आशिक लोक राहतात. त्र्यंबकेश्वर हे ब्रह्मा, विष्णू आणि महेशाचे स्थान आहे. संस्कृत शिकल्याने जीवनात मंगलता येते.”
भक्तिचरणदास महाराज:
“संस्कृती टिकवायची असेल तर मुलांना लहानपणापासूनच संस्कृत शिकवा.”
दिनेश महाराज रसाळ:
“संत साहित्याची मूळ भाषा संस्कृत आहे. त्यामुळे संस्कृतशिवाय संस्कृती अधूरी राहते.”
श्री दिव्यनयनदास महाराज:
“संस्कृत ही आपली मातृभाषा आहे. जर्मनीसारख्या देशात ती शिकवली जाते आणि आपण मात्र दुर्लक्ष करतो.”
रामकृष्ण लहवितकर:
“संस्कृत ही सर्वसामान्यांची भाषा व्हावी यासाठी समाजाने संकल्प केला पाहिजे. वारकरी पंथ हा वैदिक आहे आणि त्यातही संस्कृतचा प्रभाव आहे.”
संत सत्कार व समारोप:
यावेळी कुलगुरू श्रीनिवास वरखेडी, कुलसचिव मुरली कृष्णा, आणि प्रा. निलाभ तिवारी यांच्या हस्ते सर्व संतांचा सन्मान करण्यात आला. कार्यक्रमाला शेकडो संस्कृतप्रेमींची उपस्थिती लाभली.
