पंढरपूर – आगामी महापालिका निवडणुकीच्या पार्श्वभूमीवर केंद्रीय मंत्री रामदास आठवले Ramdas Athawale यांनी मनसे प्रमुख राज ठाकरे यांच्यावर जोरदार निशाणा साधला आहे. “महायुतीसोबत राज ठाकरे आल्यास दक्षिण भारतीय, उत्तर भारतीय आणि गुजराती मतदार नाराज होतील,” असे आठवले म्हणाले. त्यांच्या या वक्तव्यामुळे राजकीय वर्तुळात मोठी चर्चा रंगली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
आठवले पुढे म्हणाले, “विधानसभा निवडणुकीतही राज ठाकरे नव्हते, तरी महायुतीने दणदणीत विजय मिळवला. रिपब्लिकन मतदारांच्या पाठिंब्यामुळे हा विजय शक्य झाला. त्यामुळे रिपब्लिकन पक्ष असताना राज ठाकरेंची गरजच काय?” असे सवाल करत त्यांनी राज ठाकरेंना टोला लगावला.
धनंजय मुंडेंच्या राजीनाम्यावर आठवलेंची प्रतिक्रिया
रामदास आठवले (Ramdas Athawale) यांनी राष्ट्रवादीचे नेते आणि मंत्री धनंजय मुंडे यांच्या राजीनाम्याबाबतही भाष्य केले. मस्साजोगचे सरपंच संतोष देशमुख यांच्या हत्येप्रकरणी मुंडे यांचा कुठलाही सहभाग आढळून आलेला नाही. त्यामुळे त्यांच्या राजीनाम्याची मागणी करणे चुकीचे आहे, असे आठवले म्हणाले. तसेच, “धनंजय मुंडे आणि वाल्मिक कराड यांचे संबंध चांगले असले तरी खून प्रकरणात मुंडे सहभागी नाहीत. त्यांच्या राजीनाम्याचा निर्णय अजित पवार किंवा धनंजय मुंडे यांनी घ्यावा,” असेही त्यांनी स्पष्ट केले.
Ramdas Athawale माणिक कोकाटेंच्या समर्थनात आठवले
शिवसेनेचे (शिंदे गट) आमदार माणिक कोकाटे यांच्याबाबत न्यायालयाने निर्णय दिला असला, तरी त्यांना अन्याय झाल्याची भावना आहे. “त्यांना वरच्या कोर्टात अपील करण्याचा पूर्ण अधिकार आहे,” असे म्हणत आठवलेंनी कोकाटेंचे समर्थन केले.
Ramdas Athawale: भारत-पाकिस्तान क्रिकेट सामन्यांबाबत आठवलेंचे मत
भारत आणि पाकिस्तान यांच्यातील क्रिकेट सामने पुन्हा सुरू होण्याची गरज आहे, असे मतही आठवलेंनी व्यक्त केले. “पूर्वी पाकिस्तानसोबत सामने खेळण्यास विरोध होता, मात्र आता तसा विरोध राहिलेला नाही. भविष्यात दोन्ही देशांनी एकमेकांच्या भूमीत सामने खेळावेत,” असे त्यांनी सांगितले. तसेच, “दुबईत होणारा भारत-पाकिस्तान सामना भारतच जिंकेल,” असा विश्वासही त्यांनी व्यक्त केला.
भारताचा पाकिस्तानवर दणदणीत विजय, उपांत्य फेरी जवळजवळ निश्चित
भारताने आयसीसी चॅम्पियन्स ट्रॉफीमध्ये पाकिस्तानचा सात विकेट्सने धुव्वा उडवत सलग दुसरा विजय साजरा केला. या विजयासह टीम इंडियाने उपांत्य फेरीचे तिकीट जवळपास निश्चित केले आहे. न्यूझीलंडनंतर भारताकडूनही झालेल्या पराभवामुळे यजमान पाकिस्तानचे आव्हान साखळीतच संपुष्टात आले. टीम इंडियाने पॉइंट टेबलमध्ये अव्वल स्थान पटकावले आहे.
महायुती, मनसे, रिपब्लिकन पक्ष आणि क्रिकेट यावर दिलेल्या रामदास आठवलेंच्या प्रतिक्रियांमुळे राजकीय तसेच क्रीडा वर्तुळात चर्चा रंगली आहे.
