निवृत्त रेल्वे पोलिसांच्या मुलाला नोकरी लावण्याचे आश्वासन; फसवणूकप्रकरणी एकावर गुन्हा दाखल
Fraud – रेल्वेत हेड क्लार्क पदावर नोकरी लावण्याचे आमिष दाखवून तब्बल ९ लाख ६४ हजार ६० रुपये उकळल्याचा (fraud) धक्कादायक प्रकार भुसावळात उघडकीस आला आहे. या प्रकरणी प्रशांत लक्ष्मीनारायण अग्रवाल (रा. गडकरी नगर, भुसावळ) याच्याविरोधात बाजारपेठ पोलीस ठाण्यात फसवणुकीचा गुन्हा दाखल करण्यात आला आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
ओळखीचा गैरफायदा घेत फसवणूक (Fraud)
रेल्वे पोलिस दलातील निवृत्त कर्मचाऱ्याला गंडवले
प्राप्त माहितीनुसार, वसंत जानबाजी ढोणे (वय ६६), हे रेल्वे पोलिस दलातून निवृत्त झालेले आहेत. एका परिचित महिलेमार्फत त्यांची ओळख प्रशांत अग्रवाल याच्याशी झाली होती. अग्रवाल याने ओळखीचा गैरफायदा घेत, ढोणे यांचा मुलगा वैभव याला रेल्वेतील हेड क्लार्क पदावर नोकरी लावण्याचे आमिष दाखवले.
नोकरीच्या नावाखाली टप्प्याटप्प्याने घेतले पैसे (Fraud)
प्रशांत अग्रवाल याने सुरुवातीला सात लाख रुपये देण्याची अट ठेवली. नऊ महिन्यांत नियुक्तीपत्र मिळेल असे सांगून ढोणे यांच्याकडून सुरुवातीला चार लाख रुपये, आणि नंतर टप्प्याटप्प्याने एकूण ९,६४,०६० रुपये उकळले.
बनावट नियुक्तीपत्र, त्यावर शिक्का वा स्वाक्षरी नव्हती
काही दिवसांनी अग्रवाल याने ढोणे यांना एक नियुक्तीपत्र दिले, मात्र त्यावर कोणतीही स्वाक्षरी किंवा अधिकृत शिक्का नव्हता, त्यामुळे ढोणे यांना संशय आला. विचारणा केल्यावर, अग्रवालने ते तात्पुरते पत्र असल्याचे सांगितले आणि अधिकृत ऑर्डर लवकरच देण्याचे आश्वासन दिले.
पोलिसांत तक्रार; फसवणुकीचा गुन्हा दाखल
याप्रकरणी वसंत ढोणे यांनी बाजारपेठ पोलीस ठाण्यात तक्रार दाखल केली असून, पोलिसांनी प्राथमिक तपास केल्यानंतर प्रशांत अग्रवाल याच्याविरोधात फसवणूक आणि विश्वासघात या कलमांतर्गत गुन्हा नोंदवला आहे.
नागरिकांनी सावध राहावे – पोलिसांचे आवाहन
रेल्वे नोकरीच्या नावाखाली फसवणुकीचे प्रकार वाढत असून, अधिकृत भरती प्रक्रिया आणि दस्तऐवजांची पडताळणी न करता कोणीही अशा आमिषांना बळी पडू नये, असे आवाहन पोलिसांनी केले आहे.
