मुंबई – महाराष्ट्र राज्य माध्यमिक आणि उच्च माध्यमिक शिक्षण मंडळाने दहावीच्या परीक्षेत कमी गुण मिळालेल्या विद्यार्थ्यांसाठी मोठी सुधारणा जाहीर केली आहे. यापुढे दहावीत २० पेक्षा जास्त गुण मिळाल्यास, विद्यार्थ्यांना विशिष्ट शेऱ्यासह प्रमाणपत्र दिले जाणार आहे, ज्यामुळे पुन्हा परीक्षा देण्याची बंधनकारकता राहणार नाही.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
दहावीच्या परीक्षेत काही विद्यार्थ्यांना गणित आणि विज्ञान या विषयांमध्ये कमी गुण मिळतात, त्यामुळे त्यांना पुढील शिक्षणात प्रवेश घेण्यात अडचणी येतात. या विद्यार्थ्यांच्या भविष्याचा विचार करता, मंडळाने नव्या सुधारणा केल्या आहेत. आता २० गुण मिळाल्यासही विशिष्ट शेऱ्यासह प्रमाणपत्र मिळणार असून, हे प्रमाणपत्र अकरावी प्रवेशासाठी ग्राह्य धरले जाणार आहे.
अभ्यासक्रमात सुधारणा आणि तात्पुरता तोडगा
नव्या अभ्यासक्रम आराखड्यानुसार, गणित आणि विज्ञान या विषयांवर विशेष लक्ष देण्यात येणार आहे. या दोन विषयांमध्ये गुण सुधारण्यासाठी वेगवेगळे उपाययोजना करण्यात येणार आहेत, जेणेकरून विद्यार्थ्यांचा आत्मविश्वास वाढेल आणि गुण सुधारेल.
शिक्षण मंडळाची पुढील योजना
या बदलांसह, विद्यार्थ्यांना त्यांच्या आवडत्या शाखेत प्रवेश घेण्यासाठी अधिक संधी उपलब्ध होणार आहेत. पुन्हा परीक्षा देण्याची गरज नसल्याने विद्यार्थ्यांवरील ताण कमी होईल, तसेच त्यांच्या शैक्षणिक जीवनात सकारात्मक बदल घडवता येईल, असे शिक्षण मंडळाचे मत आहे.
