शहरातील गुन्हेगारी रोखण्यासाठी पोलिसांची विशेष मोहीम
Nashik Police : नाशिक शहर आणि परिसरातील वाढत्या गुन्हेगारीवर नियंत्रण आणण्यासाठी पोलिसांनी मोठी कारवाई केली आहे. परिमंडळ-२ अंतर्गत असलेल्या सर्व पोलिस ठाण्यांच्या हद्दीत दोन दिवसांमध्ये १२२ हद्दपार गुन्हेगारांची तपासणी करण्यात आली. विशेष म्हणजे, यावेळी हद्दपार आदेशाचे उल्लंघन करणाऱ्या ३ गुन्हेगारांविरुद्ध गुन्हे दाखल करण्यात आले.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
Nashik Police पोलिस आयुक्त संदीप कर्णिक यांच्या आदेशानुसार कठोर कारवाई
शहरातील गुन्हेगारी नियंत्रणात ठेवण्यासाठी पोलिस आयुक्त संदीप कर्णिक यांच्या आदेशानुसार विशेष मोहीम राबविण्यात आली. परिमंडळ-२ मधील देवळाली कॅम्प, नाशिकरोड, उपनगर, इंदिरानगर, अंबड, सातपूर या पोलिस ठाण्यांच्या हद्दीत मोठी तपासणी करण्यात आली. पोलिस उपायुक्त मोनिका राऊत यांच्या मार्गदर्शनाखाली ही कारवाई करण्यात आली.
Nashik Police गुन्हेगारांच्या घरांवर छापे, ऑलआउट व नाकाबंदी मोहीम
यावेळी संपत्तीविरुद्ध, शरीराविरुद्ध गुन्हे करणारे तसेच घातक शस्त्रे आणि अग्नीशस्त्रे बाळगून दहशत निर्माण करणाऱ्या गुन्हेगारांचे कोम्बिंग ऑपरेशन करण्यात आले. अचानक ऑलआउट आणि नाकाबंदी मोहीम राबवून संशयित गुन्हेगारांच्या घरांची झडती घेण्यात आली.
या गुन्हेगारांवर झाली कारवाई
- साहिल उर्फ पोश्या महाकाली (वय २४, देवळाली गाव) – हद्दपार आदेशाचे उल्लंघन केल्याने गुन्हा दाखल.
- किरण उर्फ बिटवा रमेश मल्हार (वय २५, वडाळा गाव) – हद्दपार असूनही हद्दीत आढळल्याने अटक.
- रवी गजानन गवळी (वय २६, चुंचाळे) – पोलिसांच्या कारवाईत ताब्यात.
गुन्हेगारीविरोधात पोलिसांची कठोर भूमिका
नाशिक पोलिसांनी स्पष्ट केले आहे की, शहरात कायदा आणि सुव्यवस्था राखण्यासाठी अशा मोहिमा सातत्याने राबवल्या जाणार आहेत. नागरिकांनी पोलिसांना सहकार्य करावे आणि कुठल्याही संशयास्पद व्यक्तीबद्दल त्वरित माहिती द्यावी, असे आवाहन करण्यात आले आहे.
He Pan Wacha : Nashik crime : “नाशिकमध्ये २ कोटी १२ लाख रुपयांचा विमा घोटाळा: बनावट खाती उघडून लूट केली”
