नाशिक (Nashik Political): आगामी महापालिका, जिल्हा परिषद व पंचायत समिती निवडणुका डोळ्यासमोर ठेवून शिवसेना (उद्धव बाळासाहेब ठाकरे गट) आणि मनसे युतीच्या चर्चांना वेग आला आहे. या पार्श्वभूमीवर दोन्ही पक्षांच्या पदाधिकाऱ्यांची मनोमिलन बैठक आज, शुक्रवार (दि. ८ ऑगस्ट) रोजी नाशिकमध्ये होणार आहे. या बैठकीत आगामी निवडणुकांमधील युतीसंदर्भात सविस्तर चर्चा होणार आहे.
निवडणुकीची पार्श्वभूमी
सर्वोच्च न्यायालयाच्या निर्देशानंतर स्थानिक स्वराज्य संस्थांच्या निवडणुकांची प्रक्रिया सुरू झाली आहे.
- जिल्हा परिषद निवडणूक: गट-गट रचनेचा प्रारूप आराखडा जाहीर, १८ ऑगस्टला अंतिम आराखडा प्रसिद्ध.
- महापालिका निवडणूक: चार सदस्यीय प्रभाग पद्धती, ओबीसी आरक्षणांनुसार जागांचे वाटप.
- प्रारूप प्रभागरचनेचा आराखडा राज्य शासनाला सादर; पुढील महिन्यात जाहीर, ऑक्टोबरमध्ये अंतिम आराखडा प्रसिद्ध.
राजकीय तयारीचा जोर
या निवडणुकांसाठी सर्वच पक्षांनी मोर्चेबांधणी सुरू केली आहे.
- भाजप: “१०० प्लस”चा नारा देत जोरदार तयारी.
- शिवसेना (शिंदे गट) व राष्ट्रवादी काँग्रेस (अजित पवार गट) महायुतीतून रणांगणात उतरायला सज्ज.
- शिवसेना (उबाठा) व मनसे युतीसाठी चर्चा अंतिम टप्प्यात.
सेना-मनसे एकत्र येण्याचे कारण
मराठी भाषेच्या मुद्यावरून उद्धव ठाकरे व राज ठाकरे एकत्र आले असून, युतीची शक्यता आता जवळपास निश्चित मानली जात आहे.
बैठकीचा तपशील (Nashik Political)
- स्थळ: शालिमार येथील पक्ष कार्यालय
- वेळ: दुपारी १२.३० वा.
- आवाहन: जिल्हाप्रमुख डी. जी. सूर्यवंशी, महानगरप्रमुख प्रथमेश गिते
