Nashik : नाशिक महानगरपालिका व नाशिक स्मार्ट सिटी कंपनीच्या सार्वजनिक आरोग्य अभियांत्रिकी विभागाच्या वतीने जलपुरवठा व्यवस्थेतील महत्त्वाची कामे करण्याचे नियोजन करण्यात आले आहे. या कामांमुळे शहरातील जलपुरवठा काही काळासाठी विस्कळीत होणार असल्याचे मनपाने कळवले आहे.जलशुद्धीकरण केंद्रे, बुस्टर पंपिंग स्टेशन आणि पाणीपुरवठा यंत्रणेतील इतर महत्त्वाच्या ठिकाणी सुधारणा आणि देखभाल-दुरुस्तीची कामे नियोजित करण्यात आली आहेत. त्यामध्ये फ्लोमीटर, व्हॉल्व बसविणे, पाणी गळती रोखणे आणि पाइपलाइन दुरुस्ती यांचा समावेश आहे. या कामांमुळे जलपुरवठा अधिक कार्यक्षम आणि नियमित होण्यास मदत होईल.*नियोजित कामांचे तपशील पुढीलप्रमाणे*पंचवटी जलशुद्धीकरण केंद्र: एच.टी. पोल शिफ्ट करणे. गांधीनगर जलशुद्धीकरण केंद्र: फ्लोमीटर बसविणे.नाशिकरोड जलशुद्धीकरण केंद्र: विविध ठिकाणी फ्लोमीटर आणि व्हॉल्व बसवणे. शिवाजीनगर जलशुद्धीकरण केंद्र फ्लोमीटर बसविणे. सातपूर विभाग: ९०० मि.मी. फीडर पाइपलाइनवरील व्हॉल्व व वॉटर मीटर बसविणे.कार्बन नाका (सातपूर प्रभाग क्र. ०९): ५०० मि.मी. पीएससी पाइपलाइनवरील पाणी गळती बंद करणे.भारत गॅस एजन्सीजवळ (प्रभाग क्र. १०): ९०० मि.मी. डीआय पाइपलाइनवरील पाणी गळती बंद करणे.गोविंदनगर जॉगिंग ट्रॅक: रॉ वॉटर पाइपलाइन लिकेज दुरुस्ती.हॉटेल रेडिसन ब्ल्यूजवळील आनंद नगर टाकी: पाणी गळती दुरुस्ती.स्मार्ट सिटी प्रकल्प: वासननगर, राणीनगर, आणि पाथर्डी फाटा येथील ESR व GSR वर व्हॉल्व बसविणे.पवारवाडी जलकुंभ उर्ध्ववाहिनी: जेलरोड सिग्नलजवळ लिकेज बंद करणे.*पाणीपुरवठा बंद ठेवण्याचा कालावधी*वरील कामांसाठी शनिवार, ३० नोव्हेंबर २०२४ रोजी सकाळी ८ वाजल्यापासून रात्री ८ वाजेपर्यंत जलपुरवठा यंत्रणा पूर्णतः बंद राहील. परिणामी, संपूर्ण नाशिक शहराचा पाणीपुरवठा या दिवशी उपलब्ध होणार नाही.*रविवारी कमी दाबाने पाणीपुरवठा*रविवार, १ डिसेंबर २०२४ रोजी सकाळच्या सत्रात पाणीपुरवठा कमी दाबाने होण्याची शक्यता आहे. त्यामुळे नागरिकांनी आवश्यक पाण्याचा साठा करून ठेवावा, असे आवाहन महापालिकेच्या सार्वजनिक आरोग्य अभियांत्रिकी विभागाने केले आहे.*नागरिकांना आवाहन*महापालिकेने शहरातील नागरिकांना या कामांसाठी सहकार्य करण्याचे आवाहन केले आहे. नियोजित कामांमुळे होणाऱ्या पाणीपुरवठ्याच्या विस्कळीततेमुळे होणारा त्रास समजून घेण्याची विनंती करण्यात आली आहे.शहरातील पाणीपुरवठा यंत्रणा अधिक कार्यक्षम आणि आधुनिक बनवण्यासाठी या सुधारणा अत्यावश्यक आहेत. पाणी गळती कमी करणे, जलवितरण सुधारणे, आणि पाणीपुरवठा व्यवस्थापनाचे डिजिटायझेशन या कामांमुळे जलसंपत्तीचे जतन होईल.कोणत्याही तांत्रिक अडचणीसाठी नागरिकांनी सार्वजनिक आरोग्य अभियांत्रिकी विभागाशी संपर्क साधावा. अधीक्षक अभियंता (यांत्रिकी)नाशिक महानगरपालिका, नाशिक
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
