नागपूर | 21 फेब्रुवारी 2025 – उपमुख्यमंत्री एकनाथ शिंदे (Eknath Shinde) यांनी आज विदर्भ दौऱ्यात जोरदार राजकीय फटकेबाजी केली. शिवसेना (उद्धव बाळासाहेब ठाकरे) पक्षावर जोरदार हल्लाबोल करत त्यांनी स्पष्ट केले की, खरी शिवसेना जनतेनेच ठरवली आहे.
दररोज महत्वाच्या घडामोडी आणि MBC Marathi च्या संपर्कात राहण्यासाठी आमचा सोशल मीडिया फॉलो करा.
शिंदे म्हणाले, “आम्ही ८० जागा लढवून ६० जिंकल्या, तर उबाठाने ९० जागा लढवल्या आणि फक्त २० आमदार निवडून आले. त्यामुळे शिवसेना कोणाची, हे स्पष्ट झाले आहे!” त्यांनी ‘शिंदे जहाँ खडा होता है, वही से लाइन शुरू होती है’ असा दमदार डायलॉगही मारला.
Eknath Shinde : विधानसभा वर्चस्वावर भरपूर विश्वास
विदर्भात झालेल्या पक्षप्रवेश सोहळ्यात मनसे, काँग्रेस, राष्ट्रवादी (शरद पवार गट) आणि उद्धव ठाकरे गटातील अनेक कार्यकर्त्यांनी शिवसेनेत प्रवेश केला. “तुमच्या विश्वासाला तडा जाऊ देणार नाही!” असे आश्वासन शिंदेंनी नव्या शिवसैनिकांना दिले.
‘लाडकी बहीण’ योजना सुपरहिट!
शिंदे यांनी मुख्यमंत्री असतानाच सुरू केलेली ‘मुख्यमंत्री लाडकी बहीण योजना’ सुपरहिट ठरली असल्याचे सांगितले. ही योजना आता इतर राज्यांतही राबवली जात आहे. “शासन आपल्या दारी” योजनेसाठी देखील वेगवेगळ्या राज्यांमधून मागणी वाढत आहे.
उद्धव ठाकरेंवर टोलेबाजी!
महाविकास आघाडी सरकारवर टीका करताना शिंदे म्हणाले, “बाळासाहेब ठाकरे म्हणायचे, शिवसैनिक घरात नाही तर लोकांच्या दारात शोभतो. पण महाविकास आघाडीत मुख्यमंत्रीच घराबाहेर पडत नव्हते!” मुख्यमंत्री सहाय्यता निधीवर त्यांच्या काळात केवळ **२.५ कोटी रुपये खर्च झाले, तर आमच्या काळात तब्बल २६० कोटी रुपये लोकांच्या मदतीसाठी खर्च करण्यात आले!
“मी खुर्ची शोधत नाही, माणसे शोधतो!”
संजय राऊत आणि विरोधकांच्या आरोपांना प्रत्युत्तर देताना शिंदे म्हणाले, “मी खुर्ची शोधत नाही, माणसे शोधतो. पदे येतात-जातात, पण मी कार्यकर्ता आहे!“
