नाशिकरोड पोलिसांच्या गुन्हे शोध पथकाची कारवाई
Nashik | प्रतिनिधी
नाशिकरोड पोलिसांच्या गुन्हे शोध पथकाने घरफोडीचा गुन्हा उघडकीस आणत एका विधी संघर्षित बालकाला ताब्यात घेतले आहे. या कारवाईत सुमारे एक लाख रुपये किमतीचा सोन्या-चांदीचा मुद्देमाल जप्त करण्यात आला असून घरफोडीचा गुन्हा उघडकीस आला आहे.
संशयास्पद हालचालींवरून तपासाला दिशा
पोलीस आयुक्तांच्या आदेशानुसार नाशिकरोड पोलीस ठाण्याच्या हद्दीतील चोरी व घरफोडीच्या गुन्ह्यांचा तपास सुरू असताना गुन्हे शोध पथकातील पोलीस अंमलदार अजय देशमुख यांना एका विधी संघर्षित बालकाच्या हालचाली संशयास्पद वाटल्या. याबाबतची माहिती वरिष्ठ पोलीस निरीक्षक जितेंद्र सपकाळे यांना देण्यात आली.
त्यांच्या मार्गदर्शनाखाली पोलीस हवालदार नितीन भामरे व पथकाने संबंधित बालकाची चौकशी केली असता त्याने घरफोडीचा गुन्हा केल्याची कबुली दिली.
एक लाखांचा सोन्या-चांदीचा मुद्देमाल जप्त
पोलिसांनी केलेल्या कारवाईत खालील मुद्देमाल जप्त करण्यात आला आहे:
जप्त मुद्देमाल
३० हजार रुपये किमतीची सोन्याचे व काळ्या मण्यांची पोत
१५ हजार रुपये किमतीच्या सोन्याच्या कानातील दोन रिंग
७ हजार ५०० रुपये किमतीचे सोन्याचे कुडके
७ हजार ५०० रुपये किमतीची सोन्याची मुरणी
२० हजार रुपये किमतीचे चांदीचे कडे
२० हजार रुपये किमतीची चांदीची अंगठी
असा एकूण सुमारे १ लाख रुपयांचा मुद्देमाल पोलिसांनी जप्त केला आहे.
घरफोडीचा गुन्हा उघड
या प्रकरणी नाशिकरोड पोलीस ठाण्यात गुन्हा क्रमांक ३४४/२०२६ अन्वये बीएनएस कलम ३०५(अ) व ३३१(३) अंतर्गत दाखल गुन्ह्याचा उलगडा करण्यात आला आहे. या विधी संघर्षित बालकाकडून एक घरफोडीचा गुन्हा उघड झाल्याची माहिती पोलिसांनी दिली.
पथकाची उल्लेखनीय कामगिरी
ही कारवाई पोलीस आयुक्त संदीप कर्णिक, पोलीस उपआयुक्त किशोर काळे आणि सहाय्यक पोलीस आयुक्त संगीता निकम यांच्या मार्गदर्शनाखाली वरिष्ठ पोलीस निरीक्षक जितेंद्र सपकाळे, पोलीस निरीक्षक अतुल चौधरी, सहाय्यक पोलीस निरीक्षक प्रवीण सूर्यवंशी, पोलीस हवालदार नितीन भामरे तसेच नाना पानसरे, अजय देशमुख आणि दीपक दिवटे यांच्या पथकाने यशस्वीरीत्या पार पाडली.
